তেরেল বিলি

বির দিশম বুরু কোচা,

মেনাঃ রেঁহ উমুল৷

চৗৎ বৗইশৗখ লল সিতুং,

হড়মো আহুল বাকুল৷৷

রেঁঙ্গেচ ঘারঞ্জ সার্দি তিকিন,

তাঁহেন রেঁহ এলাং৷

বুরু রেনাঃ তেরেল তারপ্,

চালাঃ আলে হালাং৷৷

শহর বাজার বিলৗৎ দিশম,

ইদি আলে সাঁগিঞ৷

সলহে লাগিৎ কাউডি আনাট,

হাট রেঁহ লে আখরিঞ৷৷

সুতুঃ সুমুং জিওয়ী জাতি,

লাচ্ রেঙ্গেচ জ্বালা ৷

সানাম,কোঠেন দাম লে দহয়,

গেল বার টাকা খালাঃ৷৷

দারে রেনাঃ জঃ বিলি,

সিবিল সড়ম কাশা৷

সানাম কওয়া মেনাঃ যদি,

জম রেনাঃ আশা৷৷